|
E Tolmachimaski Rrazuma
|
O tolmachimos si o wortako hai maladino ando tergo hai komersiyo, thai-vi ando artistiko, skriyimaski ekspresiya, thai akana tolmachimos pe Miriyazha, haznilas-pe o tolmachimos desar do-multane kenturiyandar mashkar le komuniteturya kulturalnone diferentni sosiyeteturya kai denas-duma bute fyalurya shiba bi-halyarimaske ande lumiya antrego.
|
|
Trayilas o tolmachimos desar le domultane vekurya mashkar diferentni sosiyeteturya le manushenge ande lumiya antrego. Tolmachimaski buki shai-vi biyandili kana le populatsiyi sikadyile te ramon/skriyin pasha 6,000 bersh nakhle ande Mesopotamiya, kana le populatsiyi beshline hai buflyardile le ekonimiyi kadya kai trobulas le manush te keren zakoya te mai chchyaren o shefto, o komersiyo hai administratsiya. O "mongo tolmachimos" kamas-anklisto mai rano ando vakto. Ande l' swaturya worta, mongo tolmachimos mothol-pe "interpretimos", thai o swato "tolmachimos" mothol-pe o swato ramome ando tektsto kai trobul te chitosavol te zhanglol so halyarel-pe mai anglal te ramosavol mai ekh data. Duplo mongo tolmachimos (interpretimos) hai ramome tolmachimos mothon-pe o rrundo vash le prochesurya bute-fetsango hamime kai trobun te tolmachil e shib originalno hai te parruvel kakya shib ande shib kai trobul-pe. Pramatno tolmachimos thol baro molimos po maistorimos pe dui worka mai but shibake kulturange, hai talento skriyimasko an peski ship. E istoriya la praktsiyaka le tolmachimaski si but lungo po chachimos, thai-vi vramyatar vramyate le tolmacha kidine-pe te keren "shkóli", spesyalnones ando Bagdado (8to-10to kenturiyi) hai ando Toledo, Shpaniyate (13to kenturiya) Sargodi, o formalno gindimos hai gogyako sokotimos pe tolmachimaski praktsiya ando drom sistematikno thai ande l' instututsiyi akademokoske anklisto na domultanes. Sar ekh disiplino la studiyako "Studiyi Tolmachimaske" ankliste polokorres, sar ekh kriyanga katar ekh teluvo-disiplino katar e studiya shibangi. Mai-anglunes, propozime sas formalnones hai kerdilo ando plano pa o James S. Holmes (1972/1988) hai desar porma, barilo hai buflyardyas sare-themeskones and ekh dinamikno mashkar-disiplinariyo ande peski woya. Thol kethanes but konseptuwalni perspektivi hai metodolodjikalni pashumata (shibako, kulturalno, skriyimasko, sosiyolodjikalno, istorikalno, sokotimasko, sikolodjikalno, ke-kola) kai studiyi tolmachimaske sar ekh kerdimos/produkto hai ekh procheso, thai-vi dikhel pe azbimaske tolmachimaske fenomenurya. |
Tolmacha hai Terminologurya si len but importantni pozitsiyi /thana ande regiyi, natsiyange-thema hai organizatsiyi kai le shiba si len status ofitsiyalno. Thai-vi won si importantni adjenturya ande parruyimos/transferimos la shtiriyako hai te standardaizin le swaturya spesyalaizime ande amari globalaizimaski lumiya. Dikh e pramatno fatsa le tolmachangi...
Interpritorya arakhadyon ande anglal pe swako-rega katar le Natsiyi Maladine kai lokalni shpitalya hai sudurya/krisa. Aresen te poronchin subjektivnone treyabako ekspertizo, hai keren kadya kana lasharen hai formalaizin shtiriya kritikalni mongones ande lopuntsime vryamya kai shai-vi te keren strazi dimata-palpale kodolenge kaske tolmachin.
Teknologiyi tolmachimaske si ande savorrengi yakh sar chi mai anglal ande istoriya manushengi. Lokalaizime miriyazhake thana thai aplkatsiyi komputeriyeske programuryenge aplikatsiyi meken haznityorya te tergol sar chetatsyanurya hai konsumitorya ande shiba penge alomata. Mashinako tolmachimos azhutil ande aktiviteturya katar khelimata po Interneto ka krizako hai manushengi interventsiya.
|